Барлык партияләр дә Русиядә гадел сайлаулар уздыру яклы булуларын радио-телевидениедән сөйләп, газет-журналларга язып торса да, сайлаулар якынайган саен сайлаучылар тавышлары өчен көрәш көчәя бара, канунсыз юлларга мөрәҗәгать ителүе турында хәбәрләр дә килә тора.

Дума һәм Чувашстанның дәүләт Советына берничә көн калып барганда авылда һәм районыбызда сайлаучылар тавышы өчен үгетләүләр әллә ни юк дисәңдә була. Пенсионер апа-абзыйлар гына яшь чакларын искә алып КПРФ ка әйләнеп кайтуга өмет салмакчылар. Замана алга китте, тормыш үзгәрде, тик менә аналитик йомгаклау гына халыкка авыррак. Илебездәге эшсезлек, бәяләрнең очсыз булуы, социаль яктан байлар, урта хәллеләр һәм хәерчелектә интегүчеләрнең саны күренгәннән-күренә бара. Шулай да, минемчә, илебездә тотрыклыклы система барлыкка килә башлады. Бюджетта эшләгән халык, пенсионе ... Читать дальше »

Иртәгә Урмай авылы мәктәбендә "Гореф-гадәт һәм Ислам" темасы белән Корбан мәҗлесләре үткәрелә. Бөр көнне өч мәҗлес: башлангыч, урта һәм олы сыйныфлар арасында үтәчәк. Корбан итеп ике сарык чалына, өстәлләргә милли ризыклар әзерләнә. Мәҗлесне балалар үзләре үткәрергә тиеш булалар. Коръәннән аятъләрне мәдрәсәгә йөрүче балалар үзләре укыйлар, үзләре багышлыйлар. Вәгазьне Урмай мөхтәсибәтенең мөхтәсибе хаҗи Фәнис хәзрәт Сафиуллин сөйлиячәк. Мәҗлестә Аллага тәгаләне мактый торган зикер җырларда булачак, ансын сәнгать мәктәбе укучылары башкарачак. Максатыбыз шул, халкыбызның гореф-гадәтләре, балаларга да олыларга бүленмичә тигез  ирешергә тиеш. Моны чын йөрәктән кабул итеп, һәркем, балачактан алып бакый дөньяга киткинчәгә , актык сулышына кадәр үтәргә кирәк. Әдәм баласы гел укырга тиеш, бу чара да үзенә күрә бер мәктәп.