Бүген, Урмай авылында, Русиянең һәр төбәгендәге шикелле, сайлауларда тавыш бирү башланды. Авылда ике сайлау участогы, берсе Урмай социаль мәдәният үзәгендә, икенчесе амбулаториядә урнашкан. Икесендә дә тыныч кына комиссияләр эшли. Иртән халык сүлпәнерәк килә. Иртәнге 9-га ике участокта йөзләгән кеше сайлады. Бүген ял көне, табигатьнең матур чагы, димәк халык сайлауга соңырак килер дип өметләнеп калалар сайлау комиссия әгъзәлары. Ике участокта да күзәтүчеләрнең саны байтак, барысыда сабыр гына күзәтәләр.