Урмай мәдәният йорты яңа исем белән яши башлады, Муниципаль мәдәният үзәк " Урмай мәгълүмәт-мәдәният үзәге”. Үзе аерым юридик көчкә ия. Директоры Рахилә Хасанова. Әлеге  исемлек структурасына  китапханә һәм халык исеме йөртүче "Мишәр” ансамбле керә. Комсомол сәнгать мәктәбенең Урмай авылы структурасының татар фольклоры, театр сәнгате һәм вокал класслары аерым статуста , яки үзәк сәнгать мәктәбенә карый. Шулай да бергә эшләргә ул комаучыламый, киресенчә , Урмай мәгълүмәт-мәдәният үзәгенең эш сыйфатын, концерт, фестиваль, конкурслар эшен югары дәрәҗәгә күтәрә.

Шушы көннәрдә Урмай мәгълүмәт-мәдәният үзәге техник  һәм киемнәр ягыннан базасын  нык үстерде. Чувашия мәдәният министрлыгы, яңа сәхнә киемнәре, сәхнәнең баш пәрдәсен, компьютер техника белән аудио үстерүче музыка, ут техникасын бүлеп бирде. Дәүләт Советы депутаты Кияметдин Садртдинович Мифтахутдинов 50 меңлек читекләр җүләтергә булышты.

Бүгенге көндә Урмай мәгълүмәт-мәдәният үзәгендә җылы, якты. Репетицион класслар махсус техника белән җиһазландырылган. Җырга, биергә театр сәгатенә гашыйк балаларга бөтен уңайлыклар тудырылган. Урмай мәгълүмәт-мәдәният үзәгенә йөрүче балаларның саны йөзләп. Кыска вакытта, республика күләмендә, бу сезонда гына 20гә якын концерт бирелде. ТНВ каналында яңа ел тапшыруына төшәргә өлгерде.

Аена бер булса да  авылга профессиональ  артистлар, театрлар килеп тора. Иртәгә сатира – юмор концерты "Елмай-шоу”, 31 нче декабрьдә Яңа елга "Бал-Маскарад”. Киләсе субботадан яңа аппаратура белән дискотекалар башлана, билет бәясе 30сум.