Хөрмәтле   кардәшләр, сайт кунаклары! 

 Барыбызны да изге Корбан бәйрәме һәм халыклар бердәмлек көне  белән чын күңелдән котлыйм! 

 Ислам мәдәниятенең меңләгән еллык традицияләренә нигезләнгән әлеге бәйрәм кешелекнең шәфкать, игелек, мәхәббәт кебек тиңсез рухи хәзинәләрен чагылдыра, дин тотучыларның иманын ныгыта, әхлакый чисталыгын саклый. «Исламның камиллеге – сезнең бер-берегезгә генә түгел, хәтта белмәгән кешеләргә дә сәлам биреп сый-хөрмәт күрсәтү һәм мохтаҗларга ярдәм итү» дигән вәхи сүзләр бүгенге бәйрәм көнендә аеруча тирән мәгънәгә ия, Ходай каршында иң күркәм гамәлнең ихластан игелек кылу икәнлеген дәлилләп тора. 

 Республикабызның мөселман өммәте ислам диненең иң яхшы гореф-гадәтләрен саклап һәм үстереп, җәмгыятьтә югары әхлакый кыйммәтләр урнашуга ярдәм итә, милләтебезне рухи камиллеккә өнди, динле кешеләрнең үзара бердәмлеген ныгыта. Барлык диннәргә тигез караш тарафдарлары буларак, республикабыз мөселманнары Чуашстан халкының гасырлар буе тупланган бай мирасын яңарту һәм баету, төрле дин вәкилләре һәм гражданнар арасында дуслык-татулыкны ныгыту юнәлешендә хезмәтләрен киләчәктә дә дәвам итәрләр дип ышанам. 

 Изге Корбан һәм халыкларның бердәмлек бәйрәмнәре көннәрендә кылган догаларыбыз һәм игелекләребез кабул булсын, изге ниятләребез һәм якты хыялларыбыз тормышка ашсын. Күңелләребезгә – иман нуры, гаиләләребезгә иминлек һәм мәхәббәт хисләре иңсен. 

 Барчабызга да саулык-сәламәтлек, бәхетле озын гомер, бәрәкәтле тормыш телим! 

 Чувашстан Республикасы Дәүләт Советы депутаты, ООО «Газпром межрегионгаз Чебоксары» -генераль директоры, якташыгыз  Кияметдин Мифтахутдинов