Бүген Бөтендөнья татар конгрессы Башкарма комитетының Массакүләм мәгълүмат чаралары комиссия утырышында биш Башкарма комитеты әгъзасыннан тыш регионнардан килгән газета, радио, телевидение журналистлары, татар интернет ресурслары белән эшләүчеләр, Татарстан республикасының татар телендә чыгучы газеталарның баш мөхәррирләре катнашты.
Сөйләшүдә бүгенге татар журналистикасы алдында торган проблемалар каралды, узган елда башкарылган эшләргә нәтиҗә ясалды. Аеруча “Татар иле” дигән Интернет челтәре хакындагы сөйләшү катнашучыларда зур кызыксыну уятты. “Татмедиа” республика агентлыгы җитәкчесе урынбасары Нурия Беломоина күп санлы сорауларга җавап бирде.
Бөтендөнья татар конгрессы Башкарма комитеты рәисе Ринат Закиров "Урмай" исемле Фәрит Гыйбатдинов сайтына (Чувашия), ГТРК "Татар радиосы", ТНВ "Хәерле иртә" һәм ТНВ "Татарлар" редакцияләренә конгрессның "Рәхмәт хаты" таныклыгын тапшырды.