19 нчы майда, Урмай авылында "Ләйсән” балалар бакчасы җитәкчесе, Мирзаҗан кызы Найлә Миннәтуллинаның туган көне.

  Сезне барлык коллектив һәм сайт укучылары  исеменнән  Туган көнегез белән котлыйбыз! 

Найлә апа!  Сез безнең киңәшчебез, булышчыбыз!  Сезгә барысы өчен дә зур рәхмәт. Сине зур бәйрәмең белән тәбриклибез. 

 Кеше гомеренең язын, җәен яки көзен билгеләү, мөгаен, мөмкин түгелдер. Һәр чорның үз матурлыгы, үз яме бар. Хатын-кыз ул табигатьнең иң гүзәл баласы, ир-атның һавасы, кояшы, челтерәп аккан чишмәсе. 

 «Икмәк — ата, су — ана», — диләр, ә кешелек дөньясын елгалар, инешләр, диңгезләр бизи. Агач нәселе җир үтә керә, адәм нәселе ил үтә керә. Син, илеңә, иреңә яшәеш чыганагы булып, балаларыңа җан өргәнсең, ана сөте белән аларга Иман биргәнсең. «Балаларым», — дип күпме көннәр, күпме төннәр хафаланып йөргәнсең. Шулар өстенә балар бакчасында эшләүчеләргә ихтирамлы, балаларга итагатьле. 

 Сиңа саулык телибез. Күңел күгеңдә кара болытлар йөрмәсен. Бәла-каза кермәсен, гөрләшеп, муллыкта, җан рәхәтендә картаерга язсын Ходай!   Иң изге теләкләр белән Илсияр Сахрова һәм сайтны алып баручы Фәрит Гыйбатдинов.