Кичә Казанның "УНИКС" концертлар залы Мәскәү шәһәрендә иҗат итеп яшәүче Гүзәлияне алкышлады. Тумышы белән Чуашстанның Татар Согыты авылыннан булган, күп кенә популяр татар җырларының авторы Гүзәлия Шәрәфетдинова дөньяга 10 нчы бала булып килә. Төпчек бала булгангамы, җырга моңга оста бала булып үсә Гүзәлия. Җыр язуга сәләте үсә төшкәч барлыкка килә, җырны инде, туганнан бирле җырлый Гүзәлия. Әле кечкенә вакытта кер юганда, тазга ритмнар сугып җырлый торган булган. Мәктәпне укып бетергәч Гүзәлия илебезнең башкаласы Мәскәүгә китеп урнаша, анда эшли, хобби буларак җырлый һәм җырлар яза башлый. "УНИКС" залында үткән иҗади коцертта барысыда Гүзәлия язган җырлардан барды. Танылган җырчылар Венера Ганиева, Лилия Муллагалиева, Резеда Шарафеева, Булат Нигъматуллин, Иркә, Илшат Валеев һәм башкалар барысыда Гүәлиянең җырларын җырладылар. Шыгырдан авылыннан Рәмис Халитов, Урмайдан Илдус Шәйдуллин , Мәскәүдән ди-джей Радик һәм башкаларда аның җырларын бик матур итеп тамашачыга җиткезделәр. Урмай авылының "Мишәр" ансамбленең яшь җырчы кызлары да Гүзәлиянең "Әй, Ходаем" җырын бик матур итеп башкардылар. 

Чуашстанда талант ияләре күп, безгә алар белән горурланасы гына кала. Әфәрин ГҮЗӘЛИЯ!