«ART-MADHIA» исемле мөселман җырлары, нәшидлар, мөнәҗҗәт, бәетләр фестиваленә  ярты ай вакыт калып бара. Әзерлек әлегә сүлпәнерәк булса да бара. Җирле иҗтимагый киңәшмә, Комсомол район татарларының милли-мәдәни автономииясе, Урмай мөхтәсибәте катнашында , берлектә фестивальнең программасы расланды. Бүгенге көндә Түбән Новгород, Казан,  Екатеринбург, Саратов , Мәләкәс , Мәскәү шәһәрләреннән нәшид, мөнәҗҗәт, бәет башкаручылар  фестивальдә катнашырга теләкләрен белдерделәр. Чувашстан Республикасы татар авылларыннан да катнашучылар киләбез дип торалар. Беренче сентябрь көнне ижади коллективлар  иртән татар мәктәпләрендә чыгыш ясаячаклар. Эйлә намазы "Кара пулат” мәчетендә укылачак. «ART-MADHIA " фестивале 14.00сәгатьтә башлана. 17.00 сәг.килгән кунакларны, авыл картларын Урмай  авылы мәдәният йортында  урнашкан фойега корбан мәҗлесенә чакырабыз. Авылыбыз һәм Мәскәү шәһәрендә яшәүче авылдашларыбыз махсус , бзйрәм хакына, ата-бабаларыбыз рухы өчен корбаннар салырга булдылар. Бәйрәм тамашасына керү бушлай. Рәхим итегез!